განახლებული: 11 დეკემბერი, 2020
2020 წლის 1 ივლისიდან, ამოქმედდა სახელმწიფო პროგრამა „იპოთეკური კრედიტების მხარდაჭერის მექანიზმი".
პროგრამის ფარგლებში, 5 წლის განმავლობაში შესაძლებელია იპოთეკური სესხის წლიური საპროცენტო განაკვეთის 4%-იანი სუბსიდირებით სარგებლობა.
იპოთეკური სესხის სუბსიდირება მხოლოდ დეველოპერულ კომპანიებში შეძენილ ბინებზე ვრცელდება და იპოთეკური სესხის მაქსიმალური მოცულობა 200,000 ლარია, ხოლო სესხის დაფარვის მაქსიმალური ვადა კი - 240 თვე.
პროგრამის ფარგლებში 1 ივლისიდან 16 ნოემბრის ჩათვლით ჯამში გაცემულია 5,636 სესხი, რომელთა ჯამური მოცულობა შეადგენს დაახლოებით 543 მილიონ ლარს.
განახლებული: 11 დეკემბერი, 2020
ამ პერიოდის განმავლობაში ყველაზე პიკური თვე სექტემბერი იყო, როდესაც ჯამში 1,765 სესხი დასუბსიდირდა ჯამში 169 მილიონი ლარის ოდენობით.
რაც შეეხება სესხების საშუალო მოცულობას, აღნიშნული მაჩვენებელი მერყეობს 89 ათასი ლარიდან 110 ათას ლარამდე. აღნიშნულიდან გამომდინარე სუბსიდირების პროგრამა ძირითადად ეხმარება საცხოვრებელი ბაზრის ეკონომ სეგმენტს.
ეროვნული ბანკის მონაცემებით, ჯამურად ამ პერიოდის განმავლობაში გაცემულ იპოთეკურ სესხებში სუბსიდირებულ სესხებს 30-35% უკავია.